JOCKEY BERDE FEDEXY
An Kreyòl 1eAne Segondè, Jockey Berde Fedexy ekri, se yon zouti ansèyman-aprantisajsolid ki mete anfaz plis sou elèv. Se yon apwòch pedagojik dènye-kri ki bay elèv 1eane segondè yo sipò entèlektyèl yo bezwen pou chache konnen, poze kesyon, poze pwoblèm ak rezoud pwoblèm anndan ak deyò sal klas. Apwòch sa a pèmèt elèv yo vin pi otonòm pandan y ap apwofondi konesans yo ak sipò mèt/matmwazèl la. An fèt, otè a chita sou yon prensip debaz nan liv la: li marye teyori ak pratik, konsa youn ka ranfòse lòt. Pa egzanp, elèv yo fè konesans ak yon tèks, yo aplike tout regleman teyorik ak lengwistik pou dekòtike tèks la, epi devlope pwòp tèks osinon pwojè pa yo baze sou sa yo te aprann nan tèks la swa poukont yo osinon an gwoup. Kidonk, se pa pwofesè sèlman k ap transmèt konesans bay elèv yo, men pito se yon ale-vini ant pwofesè ak elèv, kote pwofesè ap ede elèv konstwi konesans, konprann ak devlope pwòp panse kritik pa yo.
Youn nan aspè fondal-natal An Kreyòl, se demach syantifik otè a nan chita sou prensip devlòpman konitif adolesan ki marye kilti elèv yo ak anviwonman yo sistematikman. Pa egzanp, otè a sèvi ak ‘kowosòl’– pwodui lakay – yon plant ki nan anviwonman elèv yo pou fasilite yo tande, pale, li ak ekri tèks deskriptif, konsa y ava devlope konpreyansyon ki se yon aspè kle nan devlope konpetans ak konesans nan yon domèn espesifik. Se menm apwòch la tou pou tèks naratif, esplikatif, agimantatif ak dyalogal. Sa vle di, gen konsistans nètalkole nan tout liv la pou fasilite elèv ak pwofesè itilize sitiyasyon aprantisaj, ribrik, bwat zouti, ikòn, elatriye ki sèvi kòm zouti pedagojik pou fasilite elèv itilize youn nan entèlijans yo, kit se espasyal-vizyèl , fizik-miskilè, mizikal, entèpèsonèl, entrapèsonèl, lengwistik, lojik-matematik osinon yon lòt fòm entèlijans. Ak sa, tout elèv, kit yo te aprann lit-lit, kit yo te difisil pou aprann, kit yo te aprann yon lòt jan, ap gen chans pou patisipe nan aprantisaj la epi devlope konpetans djanm pou bay bonjan rannman nan lekòl epitou gen siksè nan lavi a.
Nan yon sans pi laj, An Kreyòlsiyifikatif pou tout sosyete Ayisyen an paske se yon koleksyon ki manyen anpil aspè nan kijan pou ansèyman fèt pi byen, kijan pou elèv vin pi endepandan nan aprantisayyo ak kijan pou itilize tout resous ki disponib pou aprantisayla fèt byen. Men sa ki pi enpòtan an, se sitou kijan pou sèvi ak lang Kreyòl Ayisyen san demagoji ni voye-monte nan eskolarizasyon/ edikasyon tout yon sosyete pou l ka fonksyone kòmsadwa anbònedifòm nan 21esyèk la.
Lunine Pierre-Jérôme, Ed.D.
Youn nan aspè fondal-natal An Kreyòl, se demach syantifik otè a nan chita sou prensip devlòpman konitif adolesan ki marye kilti elèv yo ak anviwonman yo sistematikman. Pa egzanp, otè a sèvi ak ‘kowosòl’– pwodui lakay – yon plant ki nan anviwonman elèv yo pou fasilite yo tande, pale, li ak ekri tèks deskriptif, konsa y ava devlope konpreyansyon ki se yon aspè kle nan devlope konpetans ak konesans nan yon domèn espesifik. Se menm apwòch la tou pou tèks naratif, esplikatif, agimantatif ak dyalogal. Sa vle di, gen konsistans nètalkole nan tout liv la pou fasilite elèv ak pwofesè itilize sitiyasyon aprantisaj, ribrik, bwat zouti, ikòn, elatriye ki sèvi kòm zouti pedagojik pou fasilite elèv itilize youn nan entèlijans yo, kit se espasyal-vizyèl , fizik-miskilè, mizikal, entèpèsonèl, entrapèsonèl, lengwistik, lojik-matematik osinon yon lòt fòm entèlijans. Ak sa, tout elèv, kit yo te aprann lit-lit, kit yo te difisil pou aprann, kit yo te aprann yon lòt jan, ap gen chans pou patisipe nan aprantisaj la epi devlope konpetans djanm pou bay bonjan rannman nan lekòl epitou gen siksè nan lavi a.
Nan yon sans pi laj, An Kreyòlsiyifikatif pou tout sosyete Ayisyen an paske se yon koleksyon ki manyen anpil aspè nan kijan pou ansèyman fèt pi byen, kijan pou elèv vin pi endepandan nan aprantisayyo ak kijan pou itilize tout resous ki disponib pou aprantisayla fèt byen. Men sa ki pi enpòtan an, se sitou kijan pou sèvi ak lang Kreyòl Ayisyen san demagoji ni voye-monte nan eskolarizasyon/ edikasyon tout yon sosyete pou l ka fonksyone kòmsadwa anbònedifòm nan 21esyèk la.
Lunine Pierre-Jérôme, Ed.D.
Price: $25.00
| feye_pwomosyon_koleksyon_an_kreyol_8-8-2019.pdf |