Fred Edson Lafortune
Fred Edson Lafortune fèt Ansavo (Ayiti) nan lane 1982. Li ekri nan lang fransè, nan lang anglè ak nan lang kreyòl ayisyen. Li te resevwa Gran Pri Dominique Batraville pou An n al Lazil. Nan ane 2018 la, Haitian Academy Award te onore li, epi yo te ba li pri meyè powèt pou ane a. Fred ap viv Rhode Island nan peyi Etazini.
Lè w ap liAn n al Lazil, se tankou yon tòtòt mango madan doudous ou pa ta renmen fini. Se yon siwo kap koule nan venn pa konngout pou bay lavi. Fred Edson Lafortune makònen chak grenn mo, chak estwòf youn ak lòt nanAn n al Lazil pou fòse lespri lektè a plonje byen fon nan yon basen refleksyon sou richès lang Kreyòl Ayisyen an. An n al Lazilap rete yon zèv klasik nan literati Ayisyen an.
Dr. Lunine Pierre-Jerome
Nan An n al Lazil,powèm Fred Edson Lafortune yo sanble byen senp epi byen fasil. Se fason powèt la ekri powèm li yo ki ban nou enpresyon sa a. Powèm li yo soti dwat nan fon kè l. Se pa yon kominikasyon entèlektyèl. Lafortune kite sansibilite l koule, epi li jwe ak imajinasyon l.
Lang kreyòl Lafortune itilize a klè epi li gen anpil presizyon. Pa gen gran panpan, ni egzajerasyon stilistik. San manti, Fred Edson Lafortune se youn nan powèt kap ekri an kreyòl ki gen plis talan nan jenerasyon pa l la.
Dr. Hugues St-Fort
Yon tèks ki koule san bwete tankou gout lapli sou kalbas. Se yon deklarasyon jouk nan bout. Yon tèks dekouvèt. Yon tèks vwayaj ki pran men lektè yo pou fè yo dekouvri mèvèy zòn lazil. Yon tèks souvni. Souvni tan ki pase. Souvni tradisyon ki pa dwe pèdi. Souvi danfans ak rèv melanje ak lespwa. An n al lazil se yon tèks elastik ki ka li lanvè landwat, anba monte, tounen desann, san kadans powetik liv la pa pèdi. Se yon chedèv liv ki fè ochan pou pwezi ak lang kreyòl peyi Dayiti.
Jean Dany Joachim, ekriven
Dr. Lunine Pierre-Jerome
Nan An n al Lazil,powèm Fred Edson Lafortune yo sanble byen senp epi byen fasil. Se fason powèt la ekri powèm li yo ki ban nou enpresyon sa a. Powèm li yo soti dwat nan fon kè l. Se pa yon kominikasyon entèlektyèl. Lafortune kite sansibilite l koule, epi li jwe ak imajinasyon l.
Lang kreyòl Lafortune itilize a klè epi li gen anpil presizyon. Pa gen gran panpan, ni egzajerasyon stilistik. San manti, Fred Edson Lafortune se youn nan powèt kap ekri an kreyòl ki gen plis talan nan jenerasyon pa l la.
Dr. Hugues St-Fort
Yon tèks ki koule san bwete tankou gout lapli sou kalbas. Se yon deklarasyon jouk nan bout. Yon tèks dekouvèt. Yon tèks vwayaj ki pran men lektè yo pou fè yo dekouvri mèvèy zòn lazil. Yon tèks souvni. Souvni tan ki pase. Souvni tradisyon ki pa dwe pèdi. Souvi danfans ak rèv melanje ak lespwa. An n al lazil se yon tèks elastik ki ka li lanvè landwat, anba monte, tounen desann, san kadans powetik liv la pa pèdi. Se yon chedèv liv ki fè ochan pou pwezi ak lang kreyòl peyi Dayiti.
Jean Dany Joachim, ekriven
Prix: $12